مسرحية “العيد مع فريد”

في بلد بعيد، كان في عيلة عندها ولد وحيد

كان اسمه فريد، عايش مع امه وأبوه ساعي البريد

قرّب العيد والكل مشغول وسعيد في التحضيرات

الأب بسافر في عربايته ليوصّل بطاقات المعايدات

والأم بترتّب البيت وبتزين الشجرة وبتخبز الكعكات

بس فريد كان في راسه موّال جديد

ما بدّه يساعد امه ولا بده يحتفل بالعيد

بدّه يسافر مع أبوه ويكتشف العالم البعيد

خلينا كلنا نسافر مع فريد وامه وساعي البريد

ونروح رحلة ع كتير بلاد نتعرّف على عادات وتقاليد الأعياد

بلاد فيها تلج ومشتية … وبلاد فيها شمس ومصيفة

ناس دفيانة في بيوتها وناس بترقص ومكيفة

كيف الجو والاحتفالات؟ شو الأغاني وشو الأكلات؟

شو الموسيقى؟ وكيف الزينة؟ وكيف منكتب البطاقات؟

نص وإخراج: ميرنا سخلة
تمثيل: شبلي البو | رنين عودة | رزق إبراهيم
إدارة تقنية وتنفيذ ديكور: عصام رشماوي
تقني صوت وملتيميديا: سليمان مكركر
ملابس: إيهاب زبلح
إدرة إنتاج: جورج مطر
إدارة مالية: ميشيل عطالله
إنتاج: مارينا برهم – مسرح الحارة 2017